26-aprel kuni Muhammad al-Xorazmiy nomidagi Toshkent axborot texnologiyalari universitetida “Tayanch doktorantura va doktoranturaga qabul kvotasini shakllantirish dasturiy tizimi” bo‘yicha o‘quv seminari bo‘lib o‘tdi.
Muhammad al-Xorazmiy nomidagi TATU ilmiy ishlar va innovatsiyalar bo‘yicha prorektori K.Tashev universitetda ta’lim tizimiga oid ishlab chiqilgan dasturiy tizimlar haqida ma’lumot berdi. Ilmiy-innovatsion ishlanmalarni tijoratlashtirish bo‘limi boshlig‘i J.Sayfiyev "Tayanch doktorantura va doktoranturaga qabul kvotalarini shakllantirish" mavzusida ma’ruza taqdim etdi, Ilmiy-innovatsion ishlanmalarni tijoratlashtirish bo‘limi muhandis dasturchisi O.Narziyev "OTMlarda professor-o‘qituvchilarning ilmiy ishlarini monitoring qilish dasturiy tizimi" haqida ma’lumot yoritib berdi. Seminarda O‘zbekiston Respublikasi Innovatsion rivojlanish vazirligi, O‘zbekiston Respublikasi Fanlar Akademiyasi huzuridagi ilmiy-tadqiqot institutlari, O‘zbekiston Respublikasi Oliy va o‘rta maxsus ta’lim vazirligi va O‘zbekiston Respublikasi Sog‘liqni saqlash Vazirligi vakillari ishtirok etishdi va o‘zlari qiziqtirgan savollariga javob oldilar.
TATU matbuot xizmati